Tom Brady legjenda e futbollit amerikan ka njoftuar tërheqjen nga ky sport. Lojtari më fitues i NFL, e ka bërë të ditur vendimin me një video prej 48 sekondash në Twitter.
Një vendim që vjen një vit pasi ai ndërroi mendje dhe që me shumë mundësi i kushtoi martesën me modelen Gisele Bundchen.
“Po futem direkt në temë. Po tërhiqem. Përgjithmonë, Falënderoj secilin prej jush që më keni mbështetur dhe më keni bërë të jetoj ëndrrën time më të madhe. Nuk do të ndryshoja asgjë. Nuk mund të vazhdoj pa fund”. – ka shpjeguar Brady.
Brady tërhiqet pas 23 sezonesh, duke regjistruar një sërë rekordesh përveç atij të jetëgjatësisë. Ai ka fituar 7 tituj në NFL si askush tjetër, 6 me New England Patriots dhe atë të dy viteve më parë me skuadrën nga Florida, Tampa Bay Buccaneers.
Brady ka rekordin historik të hedhjes (89.214) dhe të ‘Td pass’ (649).
Truly grateful on this day. Thank you 🙏🏻❤️ pic.twitter.com/j2s2sezvSS
— Tom Brady (@TomBrady) February 1, 2023
