Ashtu si çdo qytet i Shqipërisë, edhe Tirana ishte kthyer në një “Big Brother” të vërtetë pasi grupet kriminale monitorojnë jo vetëm lëvizjet e policisë por edhe qytetarëve apo kundërshtarëve të tyre.
15 kamera nga 155 në total janë çmontuar nga banesat e dy personave me precedentë penalë, Emiljano Shullazi dhe Pajtim Serjani. Këto janë detaje që zbardhen pas realizimit të operacionit “Fijet” në qarkun e Tiranës. Kamerat mësohet se ishin vendosur mes shtyllave dhe në muret e pallateve për kontrollimin e rrugës, në zonën e ish-Parkut në “Rrugën e Kavajës”.
Shullazi ndodhet pas hekurave. Ai ka qëndruar 2 vite në regjimin “41 biss” ose siç njihet ndryshe burgu ‘i egër’. Ai është dënuar me 55 vite burg në total nga Gjykata e Krimeve të Rënda për disa ngjarje kriminale. E po ashtu, po gjykohet edhe për disa të tjera, vrasjet e Vajdin Lames dhe Klodian Saliut të ndodhura në vitin 2005, pas rrëfimit të të penduarit Luftar Reçi.
Pajtim Serjani njihet si mik i Shullazit. Ai është një emër i njohur për policinë e Tiranës, pasi është arrestuar dhe dënuar për gjobëvënie me tre vite. Në vitin 2015 Serjanit i është bërë atentat të Rruga e Kavajës.
Por si funksionon këto kamera dhe si vendoseshin nga kontigjentë të krimit?
Burime policore bëjnë më dije se kontingjentet e krimit përveçse monitorimit me kamera të banesa dhe subjekteve të tyre, monitoronin me kamera të gjithë zonën, ku kishin vendosur kamera në rrugët që të çonin drejt banesave të tyre.
Kamerat ishin të instaluara mes shtyllave dhe në muret e pallateve për kontrollimin e rrugës. Gjithashtu, News24 mëson nga burime policore se në disa banesa ku policia kishte dyshime dhe kishin marrë informacione në rrugë operative se kontingjente të krimit kishin vendosur kamera në zonën ku ata banonin, nuk kanë gjetur kamera sigurie duke lënë dyshime se kanë vepruar para duke i hequr vetë kamerat pas bërjes publike të aksionit.
