80-vjeçari Xhevit Sinani i cili vrau bashkëshorten dhe vëllanë në Tërvol të Gramshit ka mbërritur në Gjykatën e Elbasanit ku pritet të njihet me masën e sigurisë ndaj tij.
80-vjeçari mbrohet nga avokat kryesisht, i përcaktuar nga gjykata në mungesë të mundësive për ta pasur një avokat të përzgjedhur nga ai vetë.
Ngjarja ndodhi pasditen e së premtes në fshatin Tërvol të Gramshit ku 80-vjeçari për arsye ende të panjohura vrau me sëpatë bashkëshorten e tij Zeqine Sinani dhe vëllanë Shaqir Sinani.
Pas krimit makabër 80-vjeçari shkoi në banesën e një krushku nga ku marrë në telefon të birin duke i treguar se kishte masakruar nënën dhe xhaxhanë.
Krimi dyshohet se ka ndodhur për motive xhelozie, pasi 80-vjeçari mendonte se vëllai, Shaqiri i ngacmonte gruan, Zeqinenë, 72 vjeçe.
“Gruan e torturova dhe e mbyta. Vuajti shumë, e godita dhe me sëpatë. Vëllai nuk vuajti” -ka thene i moshuari para hetuesve në dëshminë e tij të parë.
Xhevit dhe Zeqine Sinani kishin 5 djem dhe dy vajza nga martesa.
