Deputeti i Partisë Demokratike, Tomor Alizoti u shpreh se Edi Rama ka korruptuar zyrtarin e nivelit mjaft të lartë të FBI.
I ftuar në Çim Peka Live, Alizoti tha se paraardhësi i Charles McGonigal, ka shpëtuar SHBA-në nga lufta me Bashkimin Sovjetik, pasi rusët kishin arritur të marrin të dhënat e duhura ushtarake përmes spiunëve.
“FBI është një nga institucionet më të rëndësishme në Amerikë, më i rëndësishmi. Në Luftën e Ftohtë kishte peshë edhe më të madhe se CIA. Zbulimet më të mëdha në luftën e ftohtë janë bërë nga pozicioni që ka zoti McGonigal që është lidhur Rama në vitin 62, shefi i kundërzbulimit të asaj kohe ka arritur të rekutrojë një nga agjentët e Bashkimit Sovjektik, Dmitry Polyakov, punonte në OKB, pranë misionit rus. Dhe pse është shumë e rëndësishme të jesh shef kundër zbulimi në New York dhe Uashington? Aty janë të gjitha qendrat diplomatike, janë ambasadat. Në 62 u rekrutua nëpërmjet zotërisë që ishte shef i kundërshtimit të Neë York dhe Uashington, siç ishte zoti McGonigal. Polyakov u rekrutua kur ishte kriza e Kubës që mund tëfillonte lufta bërthamore, kur ishte kriza e Berlinit dhe aty mund të fillonte një luftë e tretë botërore. Ai arriti të zbërthente agjentë amerikanë, si William Wiley, që ishte këshilltar i shtabit të gjeneralëve, ai çonte të gjitha kodet, deshifrimet KGB-së, duke treguar si funksiononte shtabi ushtarak i SHBA. Ai nxori edhe Jeck Dulob që ishte korrieri i sigurisë kombëtare. Më pas shkojmë te John Walker që jepte të gjitha të dhënat e flotës detare me kokë atomike. Nëse SHBA hynte në luftë, me këto informacione që kishin dhënë agjentet, SHBA humbte luftën. Kaq e rëndësishme ishte. Personi që zbuloi këto agjentë të nivelit të lartë, ishte paraardhësi i McGonigal. Merreni me mend sa i rëndësishëm është posti i tij në këto kohë lufte”, u shpreh Alizoti.
Ai theksoi se ky funksion që mbante edhe McGonigal ka patur aq peshë sa ka hetuar presidentin Trump për lidhje me Rusinë, kur ishte Muller drejtues i FBI.
“Ky person ka drejtuar hetimin. Në 2000 ka hetuar dhe testuar agjentët e CIA-s a janë të dyfishtë apo jo. Detyra që ka patur është shumë e lartë, prandaj është krizë botërore”.
