Laçi ka mundur të fitojë me përmbysje me rezultatin 4-3 ndaj Teutës.
Të parët që kaluan në avantazh ishte Teuta me golin e Vilës në minutën e 12-të për të vijuar në minutën e 16-të ku shënojnë edhe golin e dytë me anë të një 11 metërshi nga Kallaku.
Laçi pas këtij rezultati shënon dy gola të shpejtë në minutën e 22-të me anë të Akinyemi dhe në të 24-tën me anë të Babatunde, duke barazuar shifrat në 2-2 dhe të dyja skuadrat shkojnë në dhomat e zhveshjes në paqe.
Pjesa e dytë ishte në favor të kurbinasve, pasi në minutën e 68-të, ata shënuan golin e përmbysjes me anë të Ujkës. Kapakun e vendos Akinyemi, i cili shënon përsëri në minutën e 74-të duke e çuar rezultatin në 4-2. Pranë përfundimit të sfidës, Gruda shënon golin e tretë për Teutën, por durrsakët kujtohen me vonesë të vendosin në vështirësi kurbinasit.
