Portali boshnjak i Sarajevës, “Istraga” publikoi sot në profilin e tij në Twitter dokumente që sipas tij konfirmojnë se presidenti i Republikës së Serbisë, Aleksandër Vuçiç ishte vendosur nën sanksionet e Bashkimit Evropian në shtator të vitit 1999. Si ministër i Informacionit në regjimin e Sllobodan Millosheviçit, Vuçiçit iu ndalua hyrja në BE.
“Si njeri i besuar i kriminelit të luftës Slobodan Millosheviç, Vuçiq kishte për detyrë të kontrollonte opinionin publik, të izolonte shoqërinë serbe nga informacionet e padëshiruara nga bota e jashtme dhe të disiplinonte mediat e papërshtatshme.
Ka një seri të tërë shembujsh kur Vuçiç, si ministër i Millosheviçit, kërcënoi lirinë e mediave. “Obsesioni” i Vuçiqit për të kontrolluar publikun shihet më së miri sot kur regjimi i tij kontrollon shumicën e mediave në Serbi” – thuhet në shkrim.
“Sot, Vuçiq përdor mediat rreptësisht të kontrolluara për të “ripikturuar” të kaluarën e tij politike, duke u përpjekur të heqë nga biografia e tij të gjitha ato fakte që sot, kur dëshiron të paraqitet si një lider paqësor, i dëmtojnë imazhin e tij publik. Megjithatë duket se nuk po shkon aq lehtë sa ai e imagjinonte…” – citon shkrimi.
Predsjednik Srbije @avucic u septembru 1999. godine bio je pod sankcijama EU. Kao dijelu režima Slobodana Miloševića, Vučiću je bio zabranjen ulazak u EU. U tom periodu, Aleksandar Vučić je bio ministar informisanja u Vladi Srbije. pic.twitter.com/ARTRNMzQnH
— Istraga.ba (@IstragaB) January 29, 2023
