Andi Bushati ka reaguar pas deklaratës s ëish të dashurës së ish-zyrtarit të FBI, Charles McGonigal.
Mediat amerikane raportuan sot e afera e ryshfetit me protagonist kryeministrin shqiptar u zbulua pas denoncimit të ish të dashurës së McGonigal.
Bushati ironizon duke shkruar në rrjetet sociale se “regjimi po tronditet prej hakmarrjes së një dashnoreje të pakënaqur”.
“Epo te tronditet nje regjim prej hakmarrjes se nje dashnoreje te pakenaqur… Po ta dinin do e kishin bere edhe me te pasur se pastrusen, madje mund ti kishin gjetur edhe ndonje me te ri se ky McGonigali”, shkruan Bushati.
Business Insider i ka kushtuar një artikull jetës së ish-zyrtarit të lartë të FBI-së Charles McGonigal i cili akuzohet se ka marrë para nga një ish-agjent i inteligjencës shqiptare dhe nuk i ka deklaruar.
Po ashtu mbi të rëndojnë edhe akuzat e fshehjes së takimit me kryeministrin shqiptar, Edi Rama dhe lidhjet me një oligark rus, të cilin SHBA e ka sanksionuar.
Edhe pse i martuar, McGonigal bënte një jetë tjetër me të dashurën e tij, Allison Guerriero e cila nuk ishte në dijeni për statusin e McGonigal.
Insider ka kontaktuar me Allison Guerriero e cila ka treguar gjerësisht historinë e saj me McGonigal gjatë marrëdhënies së tyre gati njëvjeçare, ku ndër të tjera ajo përmend edhe paratë që ish-agjenti i FBI-së dyshohet se i ka marrë nga Shqipëria.
Guerriero ka treguar për Insider pas ndarjes nga McGonigal ka kontaktuar me kreun e FBI për zyrën e Neë York City, ku i ka kërkuar atij që të shikonte raportet tepër të afërta me kryeministrin e Shqipërisë.
Po ashtu ajo ka rrëfyer se dy agjentë i kanë shkuar në shtëpi dhe i kanë treguar një foto të McGonigal me kryeministrin e Shqipërisë dhe e kanë intervistuar për ndërveprimet e tyre.
