Skuadra e Metz e ka mbyllur ndeshjen e sotme të Ligës 2 ndaj Valensien me një barazim shumë të rëndësishëm në transfertë. Ekipi i ri i Xhuliano Skukës mori një pikë në një fushë të vështirë, të arritur vetëm nga një gol në minutën e 92-të të sfidës, për barazimin 1-1.
Një barazim ku nuk ishte protagonist Xhuliano Skuka, i cili nuk ka mundur të bëjë sot debutimin e tij në Ligën 2 me fanellën e skuadrës së re. Sulmuesi shqiptar, i transferuar pak ditë më parë në radhët e këtij klubi, ishte grumbulluar për sfidën në fjalë, por në fund nuk u përzgjodh në 18-shen për këtë ndeshje.
Kështu, ai ndoqi takimin nga tribuna, ndoshta për t’u ambientuar pak edhe me idenë e lojës së skuadrës së tij të re, ndërsa do të ketë mundësinë që të debutojë me të përballë tifozëve të Metz, në takimin e ardhshëm që kjo skuadër luan në shtëpi përballë Rodez.
