Besiana Xhelilaj përgjegjëse e Agjencisë së Barnave dhe Luan Çiçi, 35 vjeç, specialist i Agjencisë së Barnave u arrestuan ditën e sotme në kuadër të operacionit “Farmacisti”. Luan Çiçi është djali i ish-prokurorit Bujar Çiçi.
Xheliaj dhe Çiçi sipas policisë shpërdoruan detyrën dhe morën para, për të mos raportuar shkeljet që kryheshin nga subjektet farmaceutike ku ata ushtronin kontroll.
Ata merrnin ryshfet për përshpejtimin e procedurave të kompanive farmaceutike dhe vendosnin gjoba 30-50 mijë lekë që të mos i ndëshkonin me masa administrative kur i konstatonin me shkelje.
Në kërkim është shpallur kolegu i tyre, specialisti Armando Luka, 28 vjeç.
Vijon puna për kapjen e shtetasit A. L., si dhe për evidentimin e shtetasve të tjerë të përfshirë në këtë veprimtari kriminale.
Materialet procedurale i kaluan Prokurorisë pranë Gjykatës së Rrethit Gjyqësor Tiranë, për veprime të mëtejshme.
