Ecuria pozitive e Egnatias në këtë sezon të Superligës është tronditur disi nga vendimi surpriuzes i kësaj të premteje për të shkarkuar trajnerin.
Klubi rrogozhinas mbetet zyrtarisht pa trajner, pasi drejtuesit kanë vendosur të shkarkojnë Shpëtim Duron nga detyra pas humbjes me rezultatin 1-2 ndaj Kukësit.
Drejtuesit janë shprehur se kanë marrë këtë vendim drastik pas rezultateve të dobëta të ekipit, ku në 5 sfidat e fundit, Egnatia mori vetëm një fitore në kampionat.
Lajmin e ka konfirmuar klubi rrogozhinas, ndërsa kanë nisur punën për të gjetur zëvendësuesin e Duros.
