Një aksident tragjik ka ndodhur në Romë të enjten mbrëma duke u marrë jetën pesë të rinjve. Makina tip “Fiat 500” me të cilën po udhëtonin është përmbysur pasi u rrotullua disa herë në Fonte Nuova, në rrugën “Nomentana”, rreth orës 02:30.
Sipas hetimeve paraprake, makina “Fiat” në të cilin gjashtë të rinj po udhëtonin në drejtim të Romës, humbi kontrollin dhe përfundoi duke u përplasur me një shtyllë dritash dhe më pas u përmbys.
Katër të rinj ndërruan jetë në vendngjarje, ndërsa një tjetër u shua gjatë rrugës për në spital.
Viktimat janë Alessio Guerrieri, Valerio Di Paolo dhe Simone Ramazzotti nga 21 vjeç dhe dy vajzat 17-vjeçare Giulia Scalvo e Flavia Troisi.
I vetmi i mbijetuar nga aksidenti i rëndë është 21-vjeçari Leonardo Chiapparelli, i cili u transportua në spital.
Shkak i aksidentit mund të jetë bërë shpejtësia me të cilën po udhëtonte makina, e cila vinte nga Mentana. Sakaq, Prokuroria e Tivolit ka hapur një hetim dhe ka urdhëruar testet e autopsisë.
