Ish kryeministri Sali Berisha e konsideroi skandalin me ish zyrtarin e lartë të FBI-së më të madhin ndër vite. Sipas tij Rama e mohon, dhe se në këto rat ai do të mohonte dhe emrin e tij. Berisha tha se pret shumë nga drrejtësia amerikane për zbardhjen e kësaj çështje dhe për hetimin e çdo personi.
Më tej ai shtoi se në Shqipëri nuk do të ketë paqe pa u zgjidhur kjo çështje.
“ Ka qenë një nga njerëzit më të rëndësishëm të zbulimit në atë vend. SHBA do e hetojë vet Mcgonigal. Ky njeri ka pjesën shqiptare më të turpshme. Korruptohet nga kryeministri i Shqipërisë. Aktakuza e lidh atë me një veprimtari madhore kriminale. Shndërrimi I FBI-së në një agjenci private për Edi Ramën për të hetuar opozitën. Nuk ka akt më të rëndë. Kjo është e shkruajtur dhe kryeministri është përmendur të paktën 7 herë në material. Një juri ka vendosur të hetohet, Agron Neza, Rama, Duçka. Mcganigal ka bërë veprime me të gjithë kupolën, Ardi Veliun dhe me SHISH, ka kontrata pune të firmosura me Edi Ramën. Një shef kryesor i sigurisë së SHBA-së, angazhohet për të shkatërruar opozitën në shqipëri. Mark Rosini është angazhuar me shkrime dhe është ortak me Mcgonigal. Ai ka një kompani të regjistruar në 2006 në Shqipëri. Ai është aset rus.
Rama është i akuzuar direkt. Në aktpadi thuhet se ka mbajtur lidhje të ngushta me kryeministrineë Shqipërisë dhe nga zyra e tij u morën të dhëna. 225 mijë dollar ishin paratë e dhëna për të shkatërruar opozitën dhe kjo është aferë e pastër. Rama mund të mos ketë dhënë, por kush i ka dhënë? Mund t’i kenë dhënë kompanitë e Deripaskës sepse një nga ortakët e tij është ortak në Shqipëri. I pagoi Rama apo Deripaska është njësoj.
Ramës ia prunë rusët apo Soros, Mcgonigal ? Kjo është pyetja që duhet shtruar.
Ai merr para nga Agron Neza në garazh, kjo është atipike”, tha Berisha në “Open”.
