Ish kryeministri Sali Berisha i ftuar në “Open” Në News 24 foli për thirrjen e djalit të tij në SAPK për tu pyetur lidhur me ngjarjen e Gerdecit. Berisha tha se thirrja e tij bëhet pas 15 vitesh dhe se firma e cila nuk është verifikuar nuk ka lidhje me të.
“ Aldo Bumçi ka deklaruar se nuk e ka firmosur dokumentin dhe sekretarja është pyetuir dhe ajo nuk mund të bëjë një veprim të tillë. Në atë shkrim ka falsifikim dhe unë edhe nëse do e dija nuk do e thosha se kush ka bërë sepse kjo i përket kriminalistikës. Është ekspertiza që duhet të flasë”, tha Berisha.
Si e konsideroni deklaratën e Ballës?
Berisha: Thirja është bërë vetëm për të zhurmuar dhe për të larguar vëmendjen nga ajo çfarë po ndodh me skandalin me ish shefin e FBI-së. Prokuroria ka të drejtë të thërrasë këdo, por kjo është thirrje politike.
Pse shkresa mban emrin e Shkëlzen Berishës, mos kemi të bëjmë me ndonjë lapsus?
Pse nuk u thirr në vitin 2008?
Berisha: Sepse nuk ëkzistonte origjinali dhe këtë e di Ina Rama. Aldo Bumçi është thirrur dhe ka paditur në prokurori falsifikimin e shkrimit.
Pse është hapur pas 15 vitesh?
Nga viti 2013 deri tani, çështja Mediu ka kaluar disa herë në gjykata, përfshi dhe Gjykatën e Lartë dhe kanë dhënë mendimet e tyre. Atë çfarë di unë, gjykatësi që e ka kthyer ka arsyetuar se çështja është parashkruar.
Unë kam çuar një ligj në parlament për të hequr parashkrimin për ministrat. Ka tre muaj që e kam dorëzuar dhe e quaj të drejtë, sepse vjen tjetri dhe ia mbath në Karaibe, rri atje sa të klalojë parashkrimi dhe kthehet. Për një periudhë 30 vjeçare, asnjë zyrtar nuk duhet të ket parashkrim për të. Apriori, nëse bëhet jashtë kuadirt është politik.
