Karim Benzema, është përherë ai njeriu i fitoreve të mëdha si ajo e mbrëmjes së sotme kundër Atletico Madrid për çerekfinalen e Kupës së Spanjës. Reali i Madridit tregon kurajo dhe e përmbys 3-1 skuadrën e Cholo Simeones vetëm në minutën ë 100 duke siguruar edhe biletën e fundit të gjysmëfinaleve ku ndodhen tashmë Barcelona, Athletic Bilbao dhe Osasuna.
Nuk arrin të kompletojë një ndeshje pozitive Atletico që kaloi e para në avantazh me Alvaro Morata-n pasi Rodrygo barazoi shifrat në të dytën ndërsa në shtesën e parë, Savic la skuadrën mike me 10 lojtarë. Kaq mjaftoi që Reali të merrte edhe një herë përmasat e fushës duke diktuar ritmin e shënuar një gol me Topin e Artë 2022.
Ndeshje spektakolare në “Santiago Bernabeu” ku në 15 minutat e mbetura, Atletico nuk pati fuqi për të bërë asgjë më shumë edhe për shkak të inferioritetit numerik duke pësuar edhe të tretin në fund nga Vinicius jr. Shorti i gjysmëfinaleve do të hidhet në datën 30 janar.
