Seanca e sotme plenare pritet të ketë tensione dhe përplasje të forta midis opozitës dhe mazhorancës, teksa deputetët e PD kanë kërkua ndryshimin e rendit të ditës për t’u përballur me kryeministrin Edi Rama në lidhje me skandalin që lidhet me korruptimin e ish-zyrtarit të arrestuar të FBI-së, Charles McGonigal.
Por teksa Rama mungon në Kuvend, Sali Berisha ka qenë që në nisje të seancës i ulur në vendin e tij në Parlament dhe duket se nuk i është ndarë kryeministrit.
Kjo pasi edhe në iPad-in e tij Berisha duket se është fokusuar në leximin e artikujve mbi skandalin që lidhet me pagesën 225 mijë euro për ish-zyrtarin e FBI.
