“Rama duhet të kthehet në të penduarin e drejtësisë dhe të dëshmojë çdo gjë”. Kështu është shprehur kreu i Partisë Demokratike, Sali Berisha në një kohë ku mediat kohët e fundit po “ziejnë” në lidhje me skandalin e arrestimit të ish-agjentit të FBI-së, Charles McGonigal dhe takimeve që ai ka pasur me kryeministrin shqiptar.
Ndërkohë sipas Berishës, kjo do të mbetet një njollë e zë në marrëdhëniet mes SHBA dhe Shqipërisë.
Berisha: “Rama të kthehet në pentito të të kontribuojë në zbardhjen e kësaj afere që do të mbetet nje njollë e thellë e zezë në marrëdhënien mes dy vendeve. Të kthehet në të penduarin e drejtësisë dhe të dëshmojë cdo gjë. Të paktën të gjej moralin për të bërë të penduarin dhe për të dëshmuar dëmin kolosal që ka bërë me qëllimet e tij. Një kryeminister vebd anetar i NATO sillet kështu dnaj udhëheqësit të NATO. Edi Rama ëhtë shejell si një agjent i Putinit, se përfitues më i madh është Rusia.”
Reagimi i Berishës vjen një ditë pas publikimit të dosjes së plotë dhe aktakuzës me 9 pika që FBI ka kopsitur për ish-agjentin dhe shefin e kundërzbulimit të FBI, Charles McGonigal.
Faqet e dosjes tregojnë shumë për zhvillimet politike të 5 viteve të fundit edhe në Shqipëri, ku protagonist është kryeministri Edi Rama dhe lufta e tij kundër opozitës. McGonigal ka zhvilluar takime të njëpasnjëshme me kryeministrin Edi Rama dhe dy persona që në dosje emërtohen si ‘Personi A’ dhe ‘Personi B’, të dy të lidhur me qeverinë shqiptare.
