Është përkeqësuar situata për shkak të përmbytjeve në Shkodër. Mësohet se sipërfaqja e tokës së përmbytur aktualisht është 1400 hektarë tokë.
Mësohët se zona më problematike është ajo në njësinë Administrative Ana e Malit, ku aktualisht llogariten mbi 1100 ha tokë nën ujë, rruga e Obotit e bllokuar dhe ujësjellësi i Oblikës jashtë funksionit, ndërsa 15 banesa kanë prezencë uji në oborre.
Konkretisht situata paraqitet si më poshtë:
Niveli i lumit Drin shënon kuotën 5.85 metër, ka rënie me 45 centimetra.
Niveli i Liqenit shënon 8.40 metër, ka rënie prej 10 centimetra.
Siperfaqja totale e përmbytur në Bashkine Shkodër është 1400 hektarë tokë.
Njesia Administrative Ana e Malit 1300 haktarë është e përmbytur.
Rruga e Obotit ka prezence uji 65 centimetra, ka rënie me 15 centimetra.
Ujesjellësi Oblika 1 është jashtë funksionit.
Ka prezence uji në oborre në 15 banesa te fshatit Obot, nga 30 banesa qe ishin ditën e djeshme.
Në rrugën e Obotit po operojnë dy mjete te kalueshmërisë se lartë së bashku me 7 forca të ushtrisë.
Njesia Administrative Dajç 100 hektarë tokë bujqësore.
Ne vendin e quajtur Urrelat e Shirqit , rruga Shirq-Darragjat ka prezence uji në rrugë 30 centimetra. Rruga është e pakalueshme me mjete, ka rënie të nivelit prej 40 centimetra.
