Një aksident i rëndë ka ndodhur në Elbasan pak minuta më parë. Mësohet se një makinë ka përplasur një këmbësor i cili ka gjetur vdekjen e menjëhershme.
Sipas burimeve mësohet se viktima është një 20 vjeçar, Fiori Sula.
Aksidenti ka ndodhur në unazën e qytetit ku dhe po kryen punime për nën kalimin e varrezave.
Mësohet se shoferi është larguar menjëherë nga vendngjarja pas aksidentit ndërsa policia po punon për gjetjen e tij dhe zbardhjen e plotë të rrethanave.
Njoftimi:
Më datë 23.01.2023, rreth orës 21:25, në unazën e qytetit, një automjet ende i paidentifikuar, ka aksidentuar, këmbësorin shtetasin F. S., rreth 20 vjeç, dhe është larguar nga vendi i aksidentit. Si pasojë shtetasi F. S., ka ndërruar jetë rrugës për në spital. Grupi hetimor ndodhet në vendngjarje dhe po punon për zbardhjen e rrethanave të aksidentit, identifikimin dhe kapjen e drejtuesit të automjetit.
