Një denoncim i bërë nga një qytetare për vajzën e saj 5 vjeçe është bërë publik nga deputetja demokrate Ina Zhupa.
Në denoncim thuhet se vajzës i është kërkuar që të përsërisë edhe njëherë semestrin e klasës së parë vitin që vjen.
Zhupa theksohet se prindërit e vajzës janë lajmëruar nga shkolla që me urdhër të ministres fëmija të përsërisë vitin shkollor, duke u bazuar te ligji i ri për arsimin parauniversitar, sipas së cilsë thuhet se fëmijët mund të nisin klasën e parë që në moshën pesë vjeç me kushtin që gjashtë t’i bëjnë brenda vitit.
Zhupa i bën thirrje Ministres së Arsimit që të heqë dorë nga këto vendime, të cilat deputetja demokrate i konsideron absurde dhe të lejojë vazhdimin e shkollës normalisht të fëmijëve.
“Lajthitje e Ministrisë së Arsimit, lëshojnë urdhër që fëmijë që kanë kryer një semestër në klasën e parë, ta ribëjnë edhe njëherë atë vitin që vjen.
Denoncimi konkret flet qartë:
Ana Maria Stolaj është një vajzë që ka lindur në nëntor, në shtator kur u rregjistrua nuk i kishte mbushur 6 vjec sepse i mbushte në nëntor.
Mbasi është marr ok nga ministria drejtuesit e shkollës e kanë lejuar të rregjistrohet sic mund të shikoni edhe deftesën e semestrit të parë.
Tani prindërit janë lajmëruar nga shkolla që kemi urdher nga ministria qe tju lajmërojmë se femija juaj do e përsëris vitin shkollor.
Një situatë absurde që prek drejtëperdrejt interesin e fëmijës. Rasti në fjalë nuk ishte i izoluar por i shumë prindërve.
I bëj thirrje ministres Kushi të reagoj zyrtarisht dhe të heqin dorë nga këto absurditete edhe të lejojnë vazhdimin e shkollës normalisht të fëmijëve. Aq me tëper që në korrik vetë ministrja ka bërë propozimin që fëmijët mund të shkojnë që 5 vjec në klasën e pare”, shkruan Zhupa.
