Të shtëna me armë u regjistruar një natë më parë jashtë një lokali në Romë. Ngjarja ndodhi pas një zënke që degjeneroi në përdorimin e armës, por që fatmirësisht nuk pati viktima.
Për ngjarjen policia italiane ka arrestuar një 38-vjeçar shqiptar, i cili akuzohet për tentativë vrasje. Sipas mediave atje, mbrëmjen e së premtes, së bashku me një tjetër person ai shkoi në zonën e Ponte Milvio, jashtë një lokali në rrugën Riano. Kur prej tij pa të dilte ish-bashkëshortja, një 39-vjeçare italiane, në shoqërinë e kunatit të saj, mes palëve nisi një zënkë.
Në këtë pikë shqiptari mori pistoletën nga makina e tij dhe ia drejtoi dyshes duke hapur zjarr. Plumbat goditën vetratën e një restoranti që në atë moment ishte i mbyllur. Menjëherë pas kësaj ai u largua nga vendi i ngjarjes, ndërsa gruaja njoftoi policinë. Pak kohë më pas autoritetet e arrestuan shqiptarin në një shtëpi në Selva Candida, ku ai tentoi që të fshihej, megjithatë edhe në këtë rast dështoi.
38-vjeçari, identiteti i të cilit nuk bëhet i ditur, rezulton i arrestuar në 2021 për dhunë ndaj ish-bashkëshortes.
