Një aksident ka ndodhur mëngjesin e sotëm në Berat, ku një 55-vjeçare është përplasur duke kaluar në vijat e bardha.
Mësohet se aksidenti ka ndodhur në orën 06:30 të mëngjesit në lagjen “Çelepias” të Beratit dhe gruaja e aksidentuar, A.Tahiri, mësohet se ishte duke shkuar në punë, në një nga fasoneritë e qytetit, kur është përplasur nga motori.
Ndërkohë ka nisur hetimi për identifikimin dhe kapjen e drejtuesit të motorit, që pas aksidentit u largua nga vendngjarja.
Ndërsa gruaja është transportuar me plagë të shumta drejt Spitalit Rajonal Berat, ku ndodhet nën kujdesin e mjekëve.
