Vetëm 59.3% e shqiptarëve mendojnë se të moshuarit nuk respektohen në ditët e sotme. Të pyetur nga Barometri në Euronews Albania 10.5% mendojnë të kundërtën që pensionistët respektohen dhe 30.3% janë neutral.
Ata që ndihen të pa respektuar janë vetë pensionistët pra grupmosha 65-75 vjeç me 72%, pasuar nga grupmosha 55-64 vjeç me 68.95, 45-54 vjeç me 59.6%, 35-44 vjeç me 57.2%, 25-34 vjeç me 51.8% dhe më të pakët në numër tek ata mendojnë se mosha e tretë është e pa respektuar janë të rinjtë 18-24 vjeç me 47.5%.
Ata që mendojnë se të moshuarit janë të parespektuar janë më shumë me arsim bazë me 63%, me arsim të mesëm 59.1% dhe 55% janë me arsim të lartë.
Ata që mendojnë se të moshuarit nuk respektohen në vendin tonë i përkasin 77.8% e tyre personave me të ardhura të ulëta, 59% me të ardhura mesatare të ulëta, 54.1% me të ardhura të larta dhe 55.9% me të ardhura të larta.
Pavarësisht se nuk gëzojnë respekt maksimal për të moshuarit 91.7% e shqiptarëve mendojnë se të moshuarit duhen dëgjuar për problemet e sotme brenda familjes.
Ata që mendojnë se të moshuarit duhen dëgjuar për problemet brenda familjes janë të rinjtë 18-24 vjeç me 93.1% pasuar nga 25-34-vjeçarët me 92.4%. Ky është ndër të paktat raste kur dy brezat bien në një mëndje pasi po ashtu edhe grupmosha 65-75 vjeç e 55-64 zënë 92.3% tek ata që mendojnë se të moshuarit duhen pyetur për problemet brenda familjes. Një hapsirë më të ulët e zë grupmosha 45-54 vjeç me 90.6% dhe grupmosha 35-44 vjeç me 89.7% të atyre që mendojnë se të moshuarit duhen pyetur për problemet brenda familjes.
Ndërkohë 74.7% e shqiptarëve mendojnë se të moshuarit duhen pyetur edhe për problemet që ka vendi jonë. Vetëm 9% e shqiptarëve mendojnë se të moshuarit nuk duhen pyetur për problemet që ka vendi jonë dhe 16.3% e shqiptarëve janë neutralë.
