Një aksident ka ndodhur mëngjesin e sotëm, në aksin Burrel-Klos.
Dy automjete janë përplasur me njëra-tjetrën e për pasojë janë plagosur dy shoferët dhe 4 pasagjerë.
Blutë bëjnë me dije se të plagosurit po marrin ndihmë mjekësore, ndërsa ndodhen jashtë rrezikut për jetën.
“Në aksin rrugor Burrel-Klos, shtetasi D.T., duke drejtuar automjetin tip “Benz”, është përplasur me mjetin tip “Peugeot” me drejtues shtetasin L.K. dhe si pasojë janë lënduar lehtë drejtuesit e mjeteve dhe katër pasagjer, të cilët po marrin ndihmë mjekësore në spital, aktualisht ndodhen jashtë rrezikut për jetën”,– njofton policia.
Grupi hetimor po kryen hetimet në vendngjarje.
