Policia e Korçës ka proceduar ditën e sotme 3 shtetas, për vepra të ndryshme penale.
Blutë bëjnë me dije se është proceduar një 22-vjeçar pasi ka plagosur një shtetas të mitur, dhe një 19-vjeçar pasi tentoi t’i vjedhë një 20-vjeçari, një shumë parash dhe një celular.
Gjithashtu është proceduar edhe një 53 vjeçar, banues në Pogradec, pasi u kap duke kryer punime ndërtimi, pa leje.
Specialistët për Hetimin e Krimeve të Komisariatit të Policisë Pogradec referuan materialet në Prokurori dhe filloi procedimi në gjendje të lirë për shtetasin A. P., 19 vjeç, banues në Pogradec, për veprën penale “Vjedhja”, mbetur në tentativë, pasi në lagjen nr. 1, Pogradec, ka tentuar t’i vjedhë një 20-vjeçari, një shumë parash dhe një celular.
Po këta specialistë referuan materialet në Prokurori dhe filloi procedimi në gjendje të lirë për shtetasin A. T., 53 vjeç, banues në Pogradec, për veprën penale “Ndërtimi i paligjshëm”, pasi në lagjen nr. 1, Pogradec, u kap duke kryer punime ndërtimi, pa leje”,- thuhet në njoftimin e policisë.
Materialet i kaluan prokurorive të Rretheve Gjyqësore Korçë e Pogradec, për veprime të mëtejshme.
