Klubi amerikan i Charlotte FC, ka bërë të ditur se është ndarë nga jeta në moshën 25-vjeçare futbollisti anglez Anton Walkes pas një incidenti në Majemi.
Futbollisti u gjet pa ndjenja pas një përplasje mes dy barkave pranë stadiumit ujor të Majemit, sipas deklaratës zyrtare të patrullave detare në Florida. Atij i është dhënë ndihma e parë si dhe i është aplikuar frymëmarrje artificiale, duke e çuar në spital, por për fat të keq, kishte ndërruar jetë atje.
Walkes ka qenë pjesë e klubit të Charlotte që nga viti i kaluar dhe ishte kthyer në një titullar të kësaj skuadre. Në karrierën e tij, të filluar në radhët e skuadrës së Totenhem në Angli, ai ka luajtur edhe me Portsmouth dhe Atlanta United.
Pas ngjarjes tragjike, ka reaguar edhe klubi i Tottenham duke u shprehur ngushëllime familjes dhe miqve të të ndjerit.
We are deeply saddened to hear of the passing of former player, Anton Walkes.
The thoughts of everyone at the Club are with his family and friends at this incredibly sad time 💙 pic.twitter.com/NCPvFU4A6v
— Tottenham Hotspur (@SpursOfficial) January 19, 2023
