Policia spanjolle ka arrestuar ditën e sotme dy shqiptarë të shpallur në kërkim.
Mediat e huaja shkruajnë se dy shqiptarët kishin urdhër kërkimi ndërkombëtar dhe kishin planifikuar të vrisnin anëtarët e një organizate kriminale rivale me eksploziv.
Dy shqiptarët janë antarë të një bande kriminale, ndërsa akuzohen për veprat penale të armëmbajtjes, mbajtjes së lëndëve plasëse dhe pastrimit të parave.
Por pavarësisht arrestimit nga policia spanjolle, për ta nuk dihen të dhënat e plota, përveç skedës kriminale në Shqipëri, ku theksohet ndaj tyre kishte një urdhër arresti ndërkombëtar për ngjarje të cilat akuzohen se i kanë kryer gjatë vitit 2021 në Shqipëri ku u zbulua armatim me lëndë plasëse ‘C4’.
Burimi: Vivasevilla.es
