Deputeti demokrat dhe njëherazi, kandidati i opozitës për kryetar të bashkisë së Tiranës, Belind Këlliçi, ka publikuar një tjetër “mision” qesharak të policisë bashkiake.
Përmes një postimi në rrjetin e tij social fb, Këlliçi ka publikuar një video, ku strukturat e Policisë Bashkiake kanë konfiskuar perimet e shitësve të vegjël nga fshatrat.
“Bashkia duke konfiskuar presh për nevojat e veta. Luftë e ashpër kundër mafias së preshit! Ku janë problemet e me çfarë merren!”,- shkruan Këlliçi në facebook.
Mesazhin e mbyll me një simbol që tregon një njeri me duar në kokë.
