Deputeti demokrat Oerd Bylykbashi ka ndarë në rrjetet sociale një foto nga Durrësi, ku tre policë bashkiakë qëndrojnë në një palë viza të bardha për këmbësorët. Sipas tij, ky paradoks ndodh tashmë që po afrojnë zgjedhjet lokale.
“Pamje e denjë për shprehjen: “U gjet Kola në punë”. Tre policë bashkiakë për një palë viza të bardha. Këtë pamje e sheh rëndom nëpër Durrës këto ditë. Nuk është çështje paaftësie dhe prandaj duhen tre policë. Duhet vota e tyre dhe blihet me vende pune”, shkruan ai.
Më tej, Oerd Bylykbashi thotë se Prokuroria nuk ka ndërmarrë asnjë reagim për situata të ngjashme që po ndodhin pikërisht tani, para zgjedhjeve lokale.
“Vijnë zgjedhjet dhe vetëm atëherë sheh se si gëlojnë policët bashkiakë nëpër rrugët e Durrësit. Po kështu me punësimet në institucionet e tjera. Dhe prokuroria rri e vështron yjet”, vijon ai.
Pamje e denjë për shprehjen: “U gjet Kola në punë”. Tre policë bashkiakë për një palë viza të bardha. Këtë pamje e sheh rëndom nëpër Durrës këto ditë. Nuk është çështje paaftësie dhe prandaj duhen tre policë. Duhet vota e tyre dhe blihet me vende pune. pic.twitter.com/qvKbJRTyHQ
— Oerd Bylykbashi (@OerdBylykbashi) January 18, 2023
