Tërmeti me magnitudë 4.9 ballë i shkallës Rihter, që tronditi vendin mbrëmjen e së dielës, ka shkaktuar dëme të konsiderueshme në qytetin e Bulqizës.
Lëkundjet kanë dëmtuar një pallat, i cili tashmë rrezikon jetën e 45 banorëve.
Mësohet se policia e shtetit ka vendosur një shirit në këtë pallat, ndërsa është kërkuar që banorët të largohen nga aty.
Ndërkohë ky pallat është dëmtuar nga tërmeti i 2019-ës, ku u vendos për 2 javë shiriti ku tregohej se ai ishte i pabanueshëm.
Por duke qenë se disa banorë nuk pranuan të largoheshin nga banesat e tyre, ata u rikthyen në pallat, ndonëse iu rrezikohej jeta.
Pallati është dëmtuar dhe është shpallur i pabanueshëm.
