Drejtori i Zyrës për Kosovë, Petar Petkoviç, ka bërë të ditur sot se Beogradi pret një reagim nga Bashkimi Evropian ndaj vendimit të Prishtinës për shpronësimin e pronës në Leposaviç, e cila, sipas tij, po vjedh tokën serbe.
Petkoviç ka theksuar në llogarinë e tij në Twitter se ka informuar të dërguarin special të BE-së për dialogun ndërmjet Beogradit dhe Prishtinës, Miroslav Lajçak, dhe përfaqësuesit ndërkombëtarë për vendimin e Prishtinës për shpronësimin e pronës në Leposaviç.
“Ne e dimë shumë mirë se shpronësimi ka çuar në ndërtimin e bazave ilegale herën e kaluar! Kurti sërish po shkakton kriza me lëvizje të njëanshme në dëm të popullit serb”, ka shkruar Petkoviç.
