Kreu i bashkisë Klos Ilmi Hoxha ka folur për Faxnews pas tërmetit me magnitudë 4.7 ballë me epiqendër pikërisht në Klos.
Ai tha se momentalisht janë 22 banesa të dëmtuara teksa shtoi se në terren po vijon puna e grupeve të verfikimeve.
Ilmi Hoxha: Sot në zbatim të akteve ligjore është ngritur shtabi i emergjencave.Tashmë janë ngritur grupet e verifikimeve në terren.
Sipas njoftimeve nga familjarët dhe institucione të tjera, momentalisht kemi 22 banesa të dëmtuara, dëmtimet e tyre kanë qenë të lehta. Janë të njejta që kanë pësuar edhe në termetet e tjera.
Ditën e premte ka qenë një tërmet i lehtë, nuk ka pasur kërkesë për verifikim, të një ose disa banesave, ndërsa për natën e mbrëmshme patjetër që po.
Një tërmet me magnitudë 4.7 të shkallës Rihter, goditi mbrëmjen e së dielës Shqipërinë, rreth orës 22:45 minuta. Sipas të dhënave zyrtare epiqendra ka qenë 25 kilometra në verilindje, në zonën e Klosit, në Burrel. Pak minuta më pas u rregjistrua dhe një pasgoditje me magnitudë 4.1. Qendra Kombëtare Operacionale e Emergjencave Civile bëri të ditur se janë raportuar dëme të lehta në Njësinë Administrative Xibër, Bashkia Klos, në disa banesa ku ka patur plasaritje të mureve. Gjatë natës janë regjistruar dhe pasgoditje të tjera.
