Ish-shefi i misionit të OSBE-së gjatë luftës në Kosovë, ambasadori William Walker, është dekoruar këtë të Hënë me medaljen “Kalorësi i Urdhrit të Flamurit” nga Presidenti Bajram Begaj.
Në një ceremoni të posaçme, Begaj u shpreh se Walker ishte një ndër diplomatët e parë që i treguan botës për krimet e tmerrshme kundër shqiptarëve të Kosovës, si masakra e Reçakut.
Begaj tha se ai është “njeriu që ndryshoi rrjedhën e historisë së Kosovës, rajonit tonë dhe të vetë NATO-s” dhe se “falë veprimeve të tij e gjithë bota u informua për krimet në Kosovë”.
Dekorata vjen pak ditë pasi kreu i shtetit ktheu për rishqyrtim ligjin e mazhorancës që kufizonte disa kompetenca të kreut të shtetit në dhënien e dekoratave.
Gjatë ceremonisë, i pranishëm ishte edhe deputeti demokrat Lulzim Basha.
