Ndeshjet e drekës në Serinë A kanë dhuruar rezultate të cilat kanë bërë më interesante si luftën për zonën e Ligës së Kampioneve, ashtu edhe për mbijetesën në Serinë A.
Lacio i ka dhënë fund serisë së 3 ndeshjeve pa fitore, teksa ka mundur me shifrat 2-0 në transfertë Sasuolon. Në një ndeshje ku Elseid Hysaj ishte përsëri titullar në krahun e djathtë të mbrojtjes, skuadrën laciale e nderuan dy gola në ekstremin e secilës pjesë loje.
Zakanji me penallti në shtesën e pjesës së parë dhe Felipe Anderson me golin në minutën e 94-t, mjaftuan për tre pikët që çojnë Lacion në vendin e 5-të, vetëm 4 pikë larg Milanit të vendit të dytë.
Ndërkaq, fitore në transfertë kanë siguruar edhe Specia me Bolonjën. Specia ia doli të mposhte me shifrat 1-0 Torinon, ndërsa Bolonja mundi 2-1 Udinezen. Kështu, të dy skuadrat kanë marrë pikë të rëndësishme për mbijetesën duke iu shkëputur edhe më shumë zonës së ftohtë të klasifikimit.
