Është mbyllur pjesa e parë e finales së Superkupës së Spanjës mes Real Madrid dhe Barcelonës. Ekipi i drejtuar nga Xavi Hernandez, kryeson 2-0 duke qenë pranë trofeut të parë të vitit 2023.
Katalanasit e nisën sfidën në sulm, teksa rasti i parë i rrezikshëm erdhi në minutën e 14-të. Lewandowski gjuan në hyrje të zonës por gjen përgjigjen e Curtua i cili ia del të devijojë sferën në shtyllë. Pastaj është Balde i cili gjuan nga e majta por duke gabuar tërësisht shënjestër.
Ndërkohë pas 35 minutash përpjekje të vazhdueshme, katalanasit janë shpërblyer duke realizuar golin e avantazhit. Barça fiton topin pranë zonës së Realit dhe nisin një aksion të shpejtë që finalizohet nga Gavi.
Për të dyfishuar shifrat mendon Lewandowski në minutën e 45-të. Gavi pason për sulmuesin polak dhe ky i fundit nuk gabon.
