Lojtarët e Real Madrid po përgatiten për finalen e Superkupës së Spanjës kundër Barcelonës në Riad dhe Cristiano Ronaldo vendosi të vizitojë sot kampin stërvitor të mbretërve.
Shumë gazetarë po filmonin stërvitjen e Realit sot në tribunat e stadiumit në Riad dhe nuk e kishin idenë që Ronaldo do të hynte në të. Teksa lojtarët e klubit madrilen po stërviteshin në fushë, Ronaldo iu afrua pankinës dhe zhvilloi një bisedë të ngrohtë me ish-trajnerin e tij Carlo Ancelotti dhe mbrojtësin legjendar Roberto Carlos.
Të gjithë punonjësit e Realit u gëzuan kur panë futbollistin e Al-Nassr dhe nuk i hoqën buzëqeshjet nga fytyrat. Ronaldo luajti për Realin për nëntë vjet dhe fitoi katër trofe të Champions League.
Me fanellën e mbretërve, Ronaldo shënoi 450 gola në 438 ndeshje dhe me meritë konsiderohet një legjendë e klubit.
https://twitter.com/i/status/1613932707280744448
