Ngjarjet kriminale nuk kanë fund në Shqipëri madje krimi godet edhe ndaj policisë.
Mëngjesin e sotëm një sasi tritoli ka shpërthyer në banesën e shefit të Krimeve në Policinë e Shkodrës, Pëllumb Shpati (49 vjeç). Ngjarja ndodhi rreth orës 03:50 para banesës së tij në lagjen Dobraç. Menjëherë pas ngjarjes, Pëllumb Shpati është marrë në pyetje në komisariat por gjatë dëshmisë së tij ai ka pohuar se nuk ka pasur asnjë konflikt.
“Nuk kam asnjë konflikt me askënd. Nuk e di se kush mund ta ketë bërë”, ka thënë Pëllumb Shpati.
Ngjarja e rëndë ndodhi në orët e para të mëngjesit. Fatmirësisht, nga shpërthimi nuk ka pasur persona të lënduar, edhe pse në vilën tre katëshe jetojnë 17 persona. Mirëpo, dëmet materiale kanë qënë të shumta, që nga muret e deri tek mjetet e parkuara në oborr.
