Kristi Kote nuk është më lojtar i Kukësit. Ka qenë klubi verilindor që ka bërë publik divorcin me lojtarin, me anë të një postimi në rrjetet sociale.
“Kukësi njofton se Kristi Kote nuk është më pjesë e ekipit tonë. Palët kanë rënë dakord për mbylljen e bashkëpunimit. Klubi e falënderon Koten për kontributin e dhënë dhe i urojmë suksese në karrierën e tij”, – shkruan klubi. Mesfushori ka luajtur 6 ndeshje në Abissnet Superiore dhe një në Kupën e Shqipërisë.
