Në një konferencë për mediat ku po prezanton arritjet e 2022 dhe sfidat që e presin sistemin arsimor në vitin që sapo hymë, ministrja e Arsimit, Evis Kushi ka njoftuar edhe ndryshime në rregulloren e Maturës Shtetërore.
Ministrja u shpreh se nxënësit do të kenë mundësi që të kërkojnë testin e korrigjuar sipas rregullores së re.
Gjithashtu do të ngrihen komisione të veçanta që do të shqyrtojnë ankesat e nxënësve.
“Rregullorrja e re e Maturës shtetërore ku është shfuqizuar neni që nuk lejonte rivlerësimin e testit. Për shkak të kohës së kufizuar që ne si ministri kishim për të korrigjuar dhe nxjerrë testet në kohën e duhur ishte e pamundur. Por i kemi marrë të gjitha masat që të ketë komisione të veçanta në shkolla. Nxënësit do të kenë të drejtë që të marrin testin e korrigjuar por nëse do të ketë gabime do të ngrihet një komision për transparencë të plotë”, tha Kushi
