Transporti i 11 kilogramëve heroinë nga Shqipëria drejt Europës nuk ka shkuar siç duhet për një 30-vjeçar dhe mikun e tij 44-vjeçar, pasi kanë rënë në prangat e policisë në Kroaci.
Mediat vendase raportojnë se dy shqiptarët që udhëtonin me një mjet luksoz tip “Audi” ku edhe ishte fshehur droga, u arrestuan sapo kaluan kufirin në Karasovići të martën, rreth orës 11:30 të paradites.
Sasia prej 11.35 kilogramë heroinë ishte ndarë në 20 pako dhe ishte fshehur në një vend të modifikuar në automjetin e shqiptarëve.
Autoritetet policore ushtruar kontroll në makinë me qen antidrogë dhe ishte pikërisht ky i fundit që nuhati drogën.
Sipas mediave kroate, aktualisht autoritetet në Dubrovnik kanë nisur hetimet për të përcaktuar se në cilin prej vendeve të Europës Perëndimore po transportohej heroina nga dy shqiptarët.
Sakaq, kjo është sasia e dytë e madhe e drogs që kapet në Karasovići në harkun kohor të një muaji.
Më 14 dhjetor, autoritetet policore në bashkëpunim me ato kufitare gjetën rreth 5.4 kilogramë kokainë në një autobus me targa shqiptare, destinacioni i të cilit ishin pikërisht vendet e BE-së.
Njoftimi i autoriteteve në Kroaci:
Dje më datë 10 janar rreth orës 11:30 është afruar në kufi një mjet personal me marka kombëtare shqiptare, i drejtuar nga një 30-vjeçar, ndërsa pasagjeri ishte një 44-vjeçar, të dy shtetas të Shqipërisë.
Pas kontrollit bazë kufitar në MCGP Karasovići, punonjësit e Policisë së Stacionit të Kontrollit Kufitar Grudë, duke profilizuar pasagjerët në automjet, dyshuan për kontrabandë droge.
Automjeti dhe personat u ndanë në një linjë tjetër të kontrollit kufitar, si dhe qeni zyrtar zbulues i drogës “Hunt” doli në aksion dhe ka reaguar pozitivisht për praninë e drogës në pjesën qendrore të automjetit.
Në bazë të urdhrit të gjyqtarit hetues të Gjykatës së Qarkut në Dubrovnik, është kryer kontrolli i automjetit, ku në hapësirën e modifikuar nën ndërruesin e marsheve dhe mbështetësen e krahut janë gjetur 20 pako me gjithsej 11.035 kg heroinë.
Shoferi dhe pasagjeri u arrestuan dhe nga hetimi penal u konstatua se ata synonin të transportonin heroinë nga Shqipëria në tregun e Europës Perëndimore.
Për shkak të dyshimit për kryerjen e veprës penale të prodhimit të paautorizuar dhe trafikimit të lëndëve narkotike, shtetasit e dyshuar shqiptarë së bashku me kallëzim penal i janë dorëzuar mbikëqyrësit të kujdestarisë së kësaj administrate policore.
