Një anije peshkimi me 3 persona në bord ka pësuar defekt dhe e ka të pamundur rikthimin në portin e Vlorës.
Shkak është bërë një defekt në motorin e anijes, sipas njoftimit policia kufitare i ka ardhur në ndihmë për të rikthyer në breg mjetin lundrues.
“Kapiteneria e Portit Vlorë në orën 02:50 ka marrë njoftimin nga anija e peshkimit tip fllug me emrin MAKAJ 0624, me 3 persona në bord, që ka pësuar avari në sistemin elektrik të motorrit dhe nuk mund të lundrojë pasi i është fikur motorri, gjithashtu bën ujë nga aksi i helikës.
Mjeti lundrues ndodhej në veri të derdhjes të lumit Seman në këto kordinata: 40° 51′ 17.7″n / 019° 17′ 54.3 edhe ka kërkuar asistencë. Kapiteneria e Portit Vlorë ka njoftuar QNOD DHE Policinë Kufitare për situatën duke i dhënë ndihmë menjëherë mjetit. Aktualisht mjeti po lundron i asistuar drejt Triportit Vlorë.”, njofton Drejtoria e Përgjithshme Detare.
