Të shtëna me armë janë dëgjuar ditën e sotme në Shkodër.
Burimet policore bëjnë me dije se një 81-vjeçar i ka dhënë fund jetës, pasi është vetëvrarë me armë gjahu në banesën e tij.
Ngjarja ka ndodhur në fshatin Trush.
“Rreth orës 10:15, në fshatin Trush, Shkodër, dyshohet se shtetasi M. M., 81 vjeç, është vetëvrarë me armë gjahu, në banesën e tij”, thuhet në njoftimin e policisë.
Grupi hetimor, nën drejtimin e Prokurorisë pranë Gjykatës së Rrethit Gjyqësor Shkodër, vijon punën për zbardhjen e plotë të rrethanave të kësaj ngjarjeje.
