Emigrantët ilegalë që hyjnë në Britaninë e Madhe do t’i duhet ti nënshtrohen një skaneri me rreze X të dhëmbëve dhe kockave në mënyrë që të vërtohet mosha e tyre e saktë.
Kjo është nisma më e re në politikat e emigracionit në ishull dhe në këtë mënyrë do të parandalohen gënjeshtrat e azilkërkuesve që pretendojnë se janë nën moshë për të “mashtruar” sistemin.
Daily Telegraph shkruan se një komitet ekspertësh në Ministrinë e Brendshme Britanike ka propozuar të futen në përdorim rrezet X në dhëmballët e pjekurisë, skanim në kockat e duarve, të kyçit të dorës, në gjunjë dhe në kafazin e kraharorit, si mënyra më e besueshme për të vërtetuar se një azilkërkues nuk po gënjen me moshën e tij.
Ekspertët thanë se nuk përjashtohet mundësia e një “rreziku të vogël” nga rrezet X, por përfitimet nga të mësuarit moshën e azilkërkuesve do të jetë më i madh, për të siguruar që fëmijët të identifikoheshin dhe mbroheshin nga të rriturit që gënjejnë për moshën e tyre.
Propozimet e vendosin Britaninë në përputhje me vendet e BE-së dhe SHBA-në, të cilat përdorin metoda të ngjashme.
