Për analistin dhe aktivistin Redon Meksi, Enkelejd Alibeaj nuk ka tagër për të përjashtuar deputetë nga PD.
Në Task Force me Sonila Meçon, Meksi tha se vendimi i Alibeajt është i pavlefshëm dhe nonsens pasi nuk njeh as Këshillin Kombëtar të dalë nga Kuvendi i korrikut 2021 dhe as atë të 11 dhjetorit.
“Juridikisht, Kuvendi dhe grupi parlamentar funksionon sipas rregullores së Kuvendit. Grupi formohet nga lista e partisë, pas zgjedhjeve dhe futen si grup parlamentar. Se si funksionon ky grup parlamentar në vetëvete është një rregullore që e bën grupi, në këtë rast i bie që është statuti i PD. I bie që në këtë rast, Alibeaj që t’i përjashtojë këta persona, duhet t’i përjashtojë nga PD. Alibeaj në radhë të parë nuk ka tagrin për të përjashtuar nga PD. Te shkresa e Alibeajt, thotë sipas vendimit të KK, Kryesisë së PD, një vit më parë. Ky Këshill Kombëtar dhe kjo Kryesi janë zgjedhur me vendimin e KK të korrikut 2021. Vetë Alibeaj këtë Këshill e ka ankimuar në gjykatë. Sikurse, nuk njeh as Këshillin e PD-së e bërë nga foltorja. Se cili është tagri që e ka bërë, nuk e di – është marrëzia e vogëlsisë“, u shpreh ai.
