Formacioni që trajneri Colella vendosi nga minuta e parë ndaj Luzit mund të jetë edhe ai që të kuqtë do të zbresin edhe ndaj Vllaznisë. Ditën e djeshme skuadra ka zhvilluar stërvitjen e radhës dhe nën urdhrat e trajnerit nuk ka qenë Matondo, ndërkohë që Da Silva dhe Skuka janë stërvitur pjesërisht të veçuar.
Me këto tri mungesa, 11-shja e të kuqve ndaj Vllaznisë të premten pritet të jetë me Rexhepin në portë dhe mbrojtjen e zakonshme me Hadrojn, Bitrin, Sotën dhe Buxhelajn.
Në mesfushë në vend të Matondos me shumë mundësi do të luajë Telushi, teksa Rrapaj dhe Murataj e kanë “skalitur” vendin në formacion.
Në sulm Mensah dha përgjigje të mira ndaj Luzit dhe Kolela pritet t’i besojë edhe ndaj Vllaznisë në rast se mungon Skuka. Sakaq, Cara dhe Hoti pritet të plotësojnë repartin ofensiv.
