Pas denoncimeve publike për moskryerjen e operacioneve të zemrës në Shërbimin e Kirurgjisë kardio-vaskulare në QSUT për shkak të mungesës së oksigjeneratorëve, ministrja e Shëndetësisë, Ogerta Manastirliu ka pranuar dështimin.
Në një konferencë për mediat këtë të Martë, Manastirliu u pyet se kur ky shërbim do të furnizohet me oksigjeneratorë dhe do ti kthehet normalitetit, pasi edhe vetë mjekët janë vështirësi kundrejt pacientëve në pritje.
“Ne kemi kryer për 2021, 800 ndërhyrje, madje më shumë se një vit më parë. Nuk shkelim dot ligjin e prokurimit”, u shpreh ministrja Ogerta Manastirliu.
Problematika u denoncua disa ditë më parë nga deputeti Tritan Shehu, mjek në profesion.
Një tjetër shqetësim i ngritur gjatë konferencës për media të ministres, ishte analiza e imunohistokimise për pacientët me kancer të gjirit, analizë e cila prej vitesh nuk bëhet ne spitalin onkologjik, por vetëm në laboratorë private kundrejt 200 apo 300 mijë lekë të vjetra.
“Do të bëjmë një qendër ku do të bëhet edhe kjo analizë”, tha Ogerta Manastirliu.
