Kanë përfunduar dy sfidat e vlefshme për çerefinalet e EFL CUP, teksa Man.United dhe Newcastle nuk kanë zhgënjyer duke siguruar një biletë për më tej.
“Djajtë e Kuq”, mposhtën me lehtësi 3-0, skuadrën e Çarlton, duke mos e diskutuar kualifikimin. Ishte braziliani Antoni që hapi serinë e golave në minutën e 21-të. Pjesa e parë përfundoi me rezultatin 1-0, ndërkohë që për të vulosur këtë sukses, mendoi Rashford, një nga futbollistët më në formë të momentit te Junajtid. Ylli anglez realizoi dopietë në minutat 90 dhe 90+4’ pas asisteve të Pelistrit dhe Kasemiros.
Ndërkohë në sfidën tjetër çerekfinale të EFL CUP, Newcastle mposhti 2-0 Leicester. Pjesa e parë përfundoi me rrjeta të paprekura, teksa në pjesën e dytë Bërn dhe Joelinton tundën rrjetën duke i sjellë kualifikimin bardhezinjve.
