Inter është kualifikuar për në fazën tjetër të Kupës së Italisë pasi mundi 2-1 Parmën. Koha e rregullt përfundoi 1-1, ndërsa në shtesë u vendos fati i takimit.
Pjesa e parë ishte katastrofike për zikaltërit dhe shifrat e thonë shumë mirë këtë. Ekipi i Inzaghit edhe pse mbajti topin mbi 70%, nuk ia doli të godasë asnjëherë portën e mbrojtur nga Buffon, ndryshe nga kundërshtarët që numëruan 3 gjuajtje në portë.
Në fundin e fraksionit, Juric do realizonte një gol fantastik nga distanca, duke mposhtur Onanan. Në pjesën e dytë, Inter do vuante shumë në konkretizim dhe do mund të vendoste ekuilibrat vetëm në të 88-tën, me Lautaro Martinez.
Në shtesë ekipi nga Milano do i falej golit të Acerbit për të vijuar tutje rrugëtimin në Kupë. Kujtojmë që Asllani luajti titullar sonte.
