Një ngjarje e rëndë ka ndodhur në Agrinjo të Greqisë në orët e vona të mbrëmjes së të hënës.
Një 35-vjeçar i ka vënë flakën shtëpisë ku banonte në katin e parë të një pallatit, në rrugën “Filellinon” dhe më pas është ngjitur në tarracën e katit të 5-të për t’i dhënë fund jetës.
Zjarrfikëset kanë mbërritur në vendngjarje për të shuar zjarrin në banesën e katit të 1-rë, i cili ka qenë i mbyllur dhe ata janë dashur të futen në një hapësirë nga ballkoni.
Sakaq, 35-vjeçari tashmë ishte ngjitur në çati dhe i vendosur për t’u hedhur u tha forcave zjarrëfikëse: “Po hidhem, po hidhem”.
Ngjarja e rëndë ka lënë të tronditur banorët vendas dhe efektivët që u gjendën në vendngjarje. Ajo që po heton tani policia janë arsyet që e kanë çuar drejt aktit të rëndë të të riut.
