Gjykata e Lartë Katalanase njoftoi se mbrojtësi brazilian, Dani Alves është nën hetim për sulmin seksual të dyshuar ndaj një gruaje në një klub nate në Spanjë. Bëhet fjalë për një rast të ndodhur në fund të dhjetorit 2022, me Alves që ka mohuar të gjitha akuzat.
“Do të doja të mohoja gjithçka. Po, isha në atë klub nate me njerëz të tjerë për t’u argëtuar. Kushdo që më njeh e di se sa shumë më pëlqen të kërcej. Më pëlqeu, por nuk pushtova hapësirën personale të askujt. Nuk e di kush është kjo zonjë dhe nuk e kam bërë atë që thotë” – Tha ai.
