Grabitja e 120 mijë eurove në banesën e ish-shefes së kabinetit të Arben Ahmetajt, Alda Klosi ka hapur një spirale hetimesh nga autoritetet.
Prokuroria e Tiranës përveç hetimeve për Rezarta Dobin dhe të birin Havier Dobi ka nisur një veprim penal për hetimin e veprës penale të pastrimit të parave dhe sipas Neës24 pritet që të thërrasë ish-këshilltaren e Kryeministrisë që të japë sqarimet e saj mbi këtë pasuri të padeklaruar.
Organi i akuzës pritet që të kërkojë shpjegime dhe dokumente për burimet mbi të cilat është vendosur kjo pasuri si dhe do të ketë një hetim pasuror për Klosin, të cilës pas denoncimit për pastruesen që ia grabiti, do t’i duhet edhe të provojë nëse shuma e eurove ështe e ligjshme apo jo.
Sakaq, mësohet se Klosi vetëm 5 ditë pasi kishte bërë denoncimin në polici për vjedhjen ka paraqitur edhe dorëheqjen nga detyra e saj pranë Autoritetit të Mbikëqyrjes Financiare.
